Euskal web gunerik ikusgarrienaren saria Antton Alberdik diseinatutako botasarean-entzat

elgoibarren.net 2008ko abe. 15a, 10:30
Deskargatu Info Ahotsak :
es en fr

Web diseinuetan aritua eta aditua da Antton Alberdi elgoibartarra. Oraingoan, berak diseinatutako web gune bat saritu dute euskal web gune onenak saritzen dituzten Buber Sarietan. Web gunerik ikusgarrienaren saria jaso du, hain zuzen, Alberdik diseinatutako www.botasarean.biz, aurtengo Bizkaiko Bertsolari Txapelketaren webguneak.


Antton Alberdi.

  Internet&Euskadi elkarteak antolatu du Buber Sarien seigarren edizioa –2000. urtean egin zen estreinakoz–. Buber Sarietan parte hartzea irekia izan da. Abenduaren 9a arte edonork bozkatu ahal izan ditu bere webgunerik gustukoenak. Ondoren hamar lagunek osatutako epaimahaiak maila bakoitzeko bost finalisten artean irabazlea aukeratu du, zenbait irizpideren arabera: egindako ahalegina, diseinuaren kalitatea, egitura, erabilerraztasuna, irisgarritasuna, negozio edo zerbitzu publikoaren ikuspegia eta edukiaren aberastasuna.
 

Bizkaiko Bertsolari Txapelketako komunikazio taldearen izenean Zihara Enbeitak jaso zuen saria.

   300 lagun Guggenheimen
  Euskera, kultura eta aisia izan ziren nagusi 2008ko Buber Sarietan, Bilboko Guggenheim Museoan abenduaren 11n egin zen ekitaldian (ikus bideoa ). Teknologia berriekin eta Internetekin lotura zuzena duten 300 pertsona inguru batu ziren euskal webgune onenak saritzen dituan ekitaldian.


∞Lotura duten albisteak:

Gizartea Elgoibar