Justo Arriola atxilotu dute AHTren kontrako manifestazioan

elgoibarren.net 2009ko urt. 19a, 10:09
Deskargatu Info Ahotsak :
es en fr

AHTren kontra zapatuan Urbinan (Araba) egin zen manifestazioan Ertzaintzak atxilotu zituen zortzi lagunetako bat da Justo Arriola elgoibartarra. Oraindik ere atxilotuta jarraitzen du eta Auzitegi Nazionalera, Madrilera, deklaratzera deitu dituzte atxilotuak. Desordena publikoak, autoritateari kontrako atentatu eta desobedientzi egozten diete. Atxiloketa salatzeko manifestaldia egin zuten zapatuan Elgoibarko kaleetan (argazkian), eta gaur iluntzerako ere elkarretaratzea deitu du Elgoibarko AHTren aurkako taldeak, 20:00etan Plaza Handian.

 
  AHT gelditu! Elkarlanak Manifestazio Nazionala egin zuen zapatuan (urtarrilak 17) Urbinan. Amaieran, AHTren lanen eremura sartu ziren manifestarietako batzuk "desobedientzia ekintza baketsua" egin asmoz, eta Ertzaintza pilotadaka hasi zen. Zortzi lagun atxilotu zituen Ertzaintzak, tartean Justo Arriola elgoibartarra, beste lagun mordo bat identifikarazi, eta hainbat zauritu iritsi ziren Gasteizko ospitaleetara.

  Istiluengatik atxilotu dituztela azaldu du Herrizaingo Sailak. Haren arabera, barrikadak jarri dituzte AHT egiteko lanen eremuan; gainera, harrika eginda sei ertzaini kolpeak eragin dizkiete. Herrizaingo Sailak ez du ezein ospitalatzeren berri.

•Iturriak: berria; deia; elcorreodigita, gara
 
•Manifestazioko argazkiak:
 

 

Gizartea Elgoibar