Munduko Xake Txapeldun ohi baten aurka jokatuko du Mikel Leonek

 Ruslan Ponomáriov (2726 punto ELO) ukraniarraren aurkako partidak Urretxun, Gernikako Arbola 5. zenbakian, Eire Taberna parean kokatuko duten karpa handi batean egingo da domekan, urtarrilaren 25ean. Eguerdiko 12:00etan hasiko dira partidak. Aukera paregabea dela uste du Mikel Leonek, ez baitira asko munduko xake txapeldun baten aurka jokatzeko aukera daukatenak. "Ia gutako norbaitek Ponomariov-i irabazteko zortea duen, eta ni banaiz hobe baino hobeto".

• Informazio gehiago: Eire Taberna
• Ruslan Ponomáriov-i elkarrizketa 
• Ruslan Ponomáriov wikipedian

•Bi elgoibartar Eire Bankoa txapelketan

Mikel Leonez gain, J.M. Navarro elgoibartarra ere parte hartzen ari da Urretxuko Eire-Bankoa Xake Txapelketan. Guztira 56 xakelarik dihardute zortzi taldetan banatuta. Talde bakoitzeko lau onenak sailkatuko dira aurrerako. Final hamaseirenetatik aurrera, berriz, partida bakarrera jokatuko dute sailkapena; irabazlea aurrera eta galtzailea etxera. Bi elgoibartarrek jokatu dute dagoeneko Ligaxkako lehen partida eta biek irabazi dute, Juanmak ordubete behar izan zuen garaipena lortzeko eta pixka bat gutxiago, 35 minutu, Mikelek. Iaz Mikel Leonek irabazi zuen Urretxuko xake txapelketa, finalean Iñaki Oses urretxuarrari irabazi eta gero.

•Taldekako Liga Txapelketa
Bestalde, taldekako Liga Txapelketaren bigarren jardunaldian bigarren garaipena lortu zuten Lerun taldeko xakelariek. Arrasateko San Andres taldeko xakelariak hartu dituzte mendean oraingoan, 1 eta 3 emaitzarekin. Kategoria berrian egin duten estreinaldia ezin hobea izan da.
•Xake klaseen ordutegi berria
Ostiraletara pasa dituzte xake klaseak Xake taldekoek. Ordutegi berria ere honakoa da: 18:15-19:45. Klaseak doakoak dira.