Saharar errefuxiatuentzako laguntza batzen dihardute Elgoibar BH Institutuan

elgoibarren.net 2009ko urt. 22a, 11:28
Deskargatu Info Ahotsak :

 
Sahararako errefuxiatuentzat janari bilketa kanpainan parte hartzen ari dira aurten Elgoibar BH Institutuko zenbait irakasle eta ikasle. Euskadiko elkartasun karabana otsailean aterako da Donostiatik. Hortaz, janari bilketarekin lagundu nahi dutenek, urtarrilaren 30era arte daukate aukera. Institutuan bertan jasoko dituzte elikagaiak.



 Aurten Elgoibar BH Instituan biltzen ari diren janariak honako hauek dira:
  • Azukrea, hegaluzea eta sardinak oliotan, pasta, arroza, lekaleak eta aurreko urtetan moduan, baita konpresak ere.
 Euskadiko S.E.A.D.aren Lagunen Elkarteak jakitera eman duenez, “Saharako egoerak, zoritxarrez, larria izaten jarraitzen du. NBEen Elikagaien Munduko Programak (EPM) aspaldi aditzera eman zuen saharar errefuxiatuek eguneko elikadura beharrizanen %11 baino ez dutela ziurtatua, diru ekarpen erregularrek, eta ondorioz dauden fondo eskasek ez baitute gehiagorako aukerarik ematen. Gauzak horrela, elikagaien murrizketa saharar errefuxiatuen osasunean ondorio larriak eragiten ari da, batez ere, bost urte azpiko umeen, haurdun dauden emakumeen eta bularra emateko sasoian dauden amen osasunean”.
 
∞Lotura duten albisteak:
 
 
 
Gizartea Elgoibar