‘Kanpaiak jo bitartean’ antzezlanaren estreinaldia Herriko Antzokian

elgoibarren.net 2009ko ots. 13a, 13:11
Deskargatu Info Ahotsak :

Gaur: Glu-glu produkzioak taldeak, aurrez ere egin izan duen moduan, Herriko Antzokia aukeratu du konpainiaren antzezlan berria -Kanpaiak jo bitartean-, estreinakoz taularatzeko. Emanaldia 22:15ean hasiko da eta Korrika kulturalaren barruan antolatutako ekintza da.
Asteburuan ekitaldi kultural gehiago ere badago, esaterako, Tayuta eta Napoka Iria taldeek domekan eskainiko duten kontzertua.


  Komedia eroa eta bizia

Astean zehar Herriko Antzokian egin dituzten entseguetako irudi bat.

 Galder Perezek idatzi eta zuzendutako lana da Kanpaiak jo bitartean. Alde batean Emakume gazte bat (Libe Aranburu), eta bestaldean, gizon gazte bat (Ugaitz Alegria). Neska amatasunaren deia jaso berri, medikuaren kontsultara doa intseminazio artifiziala praktikatzera. Mutila, semen emailea, hilero bezala bere dosia entregatzera doa. Ustekabeko kointzidentziak ezagutu berri den bikotea etengabeko gaizki ulertzean nahastuko du, egoera barregarri bezain zalapartatsuetara bidaia egiteko.
 Elkar ezagutu behar ez zuten, eta behar baino gehiago ezagutuko diren pertsonen arteko komedia eroa eta bizia da antzezlana. Kanpaiak jotzen duenean hainbeste dira gerta daitezkeen ezustekoak…

1706640512591 ‘Kanpaiak jo bitartean’ antzezlanaren estreinaldia Herriko Antzokian

 
 
 
 
 
Kultura Elgoibar