San Inazio kalea itxi egingo dute trafikoarentzat

 

 

  San Inazioa kalean, Santa Ana eta Antonio Arrillaga kaleen artean, eguaztenean (otsailak 25) hasiko diren obrek irauten duten bitartean, astelehenetik eguenera (egun osoan) eta barixaku goizean, San Bartolome eta Santa Ana kaleetako sartu irteera moldatu ahal izateko, erdiguneko kaleetan zirkulazio aldaketak izango dira. Gauzak horrela, Plaza Handitik eta San Bartolome kaletik egingo dira aste-barruan orain arte San Inazio kaletik egiten ziren sartu-irteerak. Asteburuan, berriz, lanak geldi dauden bitartean orain artean moduan egin ahal izango dira sartu-irteerok.

  Aldaketok eragina izango duten erabiltzaileak: garaje jabeak eta zamalanak egin behar dituztenak, batez ere, jakinaren gainean jartzen ari da udaltzaingoa. Gidariek honakoak eduki beharko dituzte kontutan sartu-irteerak egiterakoan:

1. Denbora guztian ibilgailuaren argiak piztuta eraman beharko dira.
2. Kontuan izanik, oinezkoen gunean sartzen direla, gidariek lehentasuna eman beharko diete oinezkoei, abiadura hauen pauso arruntera murriztuz, beharrezkoa izanez gero gelditzera iritsiz.

         *Edozein zalantza edo kontsulta egiteko, erabiltzaileei, Udaltzaingora zuzentzea eskatzen zaie.

 
∞Lotura duten albisteak:

• Oinezkoentzat jarriko ditu Udalak Madala eta Santa Ana kaleko inguruak (2008-02-04 elgoiBARREN.net)
• Herriaren itxura aldatuko duten 3 obrari buruzko erakusketa antolatu du Udalak (2008-07-10 elgoiBARREN.net)