Herrizaingo Sailak jakinarazi duenez, domeka goizean, hamaikak hamar gutxi aldera, GI-2636 errepidetik Markinara bidean zihoan Honda CB 600 motoko gidari elgoibartarra erori egin zen. Istripua jazo zen tokira bertaratu zen anbulantzia batek Mendaroko ospitalera eraman zuen biktima. Hala ere, eguerdiko ordu bata eta laurdenak aldera, gidariaren heriotza jakinarazi zuten erietxetik bertatik.
Ezbehar lazgarri hau nola eta zergatik jazo den ikertzen ari da Ertzaintza.
•Haritzeko dantzaria
Haritz Euskal Dantzari Taldeko kidea zen ezbeharrean hildako gaztea, eta, dantza taldeak, hitzik gabe dauden une honetan Jael-ek jarritako bertsoen bitartez jarri die doinua dauzkaten sentipenei. Dantzan.com web gunean Haritz EDTk daukan blogean jarri dituzte Borja Uzuriagari eskainitako bertsoak.
- Ikus hemen: Borja joan zaigu