Bi eguneko saioa egin dute elgoibartarrek: zapatuko proba gainera, Regil koparako puntuagarria izateaz gain, Euskadiko erlojupeko igoeran txapelketa ere bazen. Lasterketa horretan, Iñigo Lariz hirugarren postuan sailkatu zen. Domekakoa oso bestelako lasterketa izan zen. 1969ko lehen ekitaldiko ibilbidea berreskuratzeaz gainera, binaka egin behar zen ibilbidea, elkarri laguntzen, bikoteko bigarrenaren denbora baitzen kontuan hartzen zena. “Horrez gain, antolatzaileek bi kideen artean tarte handiegia zegoela erabakiz gero, bikotea lasterketatik kanpo utz zezaketen” azaldu du Arkaitz Iruretak.
Balio onenak sarituak
Urtero legez, Regil saria ez zioten denbora onena egin zuen pertsona edo taldeari eman, balio onenak erakutsi zituen lasterkariari baizik. Aurtengoan hainbeste urtean mendi-eskian lehiatzen dabilen Ana Bernalek eraman zuen garaikurra etxera. Makina bat urtean bera izan da parte hartu duen neska bakarra, eta martxoaren 8a emakumeen eguna izaki, Regil familiak goraipamen hori egin nahi izan zion Anari.
Iturria: urgaziren bloga