Markel Bergarak 2013ra arte luzatu du kontratua Realarekin

 Lorenzo Juarros Realeko Kirol Zuzendariak nabarmendu duenez, talde txuri-urdinaren etorkizuneko kirol proiektuaren ardatzetako bat da Markel, eta horri garrantzi berezia aitortu dio jokalariak. "Proiektuaren zati inportanteetako bat nintzela esan zidaten eta horrek, etxeko jokalaria izanda, arlo ekonomikoak baino eragin handiagoa izan du". Izan ere, Lehen Mailako taldeen eskaintzak ere jaso ditu, -ez zuen izenik eman nahi izan- Realaren diru eskaintza aise gainditzen zutenak. Horren aurrean beste gauza batzuei, etxeko taldean jokatzeari, esaterako, balio handiagoa eman die Markelek.
 Gauzak horrela,  2013.urteko ekainaren 30 arte sinatu du elgoibartarrak eta "oso gustura" agertu da “bizi guztiko tokian” jarraituko duelako. Alabaina, Kirol Zuzendariarekin batera Zubietako prentsa aretoan eskaini zuen prentsaurrekoan negoziazioak luzeak izan direla aitortu zuen Markelek, “hasieran bi aldeen posturak elkarrengandik urrun bazeuden ere sekula ez nuen zalantzan jarri hemen jarraituko nuenik” gaineratu zuen.

•Lehen Mailan jokatzeko ametsa bizirik
  2007ko irailaren 4an Las Palmasen aurka lehen taldean debuta egin eta gero Bigarren Mailan jokatu ditu Markel Bergarak partida guztiak. Alabaina, Lehen Mailan jokatzeko itxaropenik ez du galtzen, “taldeko jokalari guztion ilusioa horixe da, ia datorren urteko denboralditik aurrera ilusioa egi bihurtzeko aukera daukagun”.

• Entzun hemen: Markel Bergara eta Lorenen adierazpenak (realsociedad.com)
• Markel Bergararen estatistikak

Argazkiak: realsociedad.com