'Maala Records' izango da instrumentu taldeen lehiaketako ordezkari elgoibartarra

elgoibarren.net 2009ko mar. 12a, 14:19
Deskargatu Info Ahotsak :


Bederatzi musikarik; zortzi mutilek eta neska bakarrak, osatzen dute Maala Records, Elgoibarko Hiria Instrumentu Taldeen Lehiaketan parte hartzeko espresuki sortutako musika taldea. Zapatu honetan (martxoak 14) egingo den lehiaketan Gipuzkoa, Araba eta Bizkaiako 25 talde instrumentalekin lehiatuko dira elgoibartarrak. Daukaten dena emateko prest daudela adierazi dute taldekideak, “baita saria eramateko ere”.



"Dena emateko prest"
  Axel Jungbluthen Strolin abestia defendatuko du Maala Records taldeak Musika Eskolako auditorioan. Zapatu eguerdiko 12:30ak aldera igoko dira taula gainera taldea osatzen duten bederatzi musikariak. Taldekideetako batzuk Mauxitxa eta Udal Musika Bandako partaide ere badira eta aurrez ere parte hartu izan dute Inazio Bereziartua Musika Eskolak antolatzen duen instrumentu taldeen lehiaketan. Oraingoa elkarrekin aritzen diren estreinako aldia izango da, ordea, eta gauzak ondo egingo dituzten esperantza daukate, “dena emateko prest gaude, eta zergatik ez? baita saria eramateko ere”.

1706640465859 'Maala Records' izango da instrumentu taldeen lehiaketako ordezkari elgoibartarra

Taldekideak:
•Xabier Larrañaga (gitarra elektrikoa)
•Pello Errasti (perkusioa)
•Ivan Zapata (klarinetea)
•Maria Ferreiro (gitarra baxua)
•Asier Gurrutxaga (klarinetea)
•Ander Osoro (tronboia)
•Alberto Cardaba (saxofoi tenorea)
•Xabier Lopez (saxofoi altua)
•Mikel Arosa (tronpeta)


•26 talde eta 195 musikari

Antolatzaileak Musika Eskolako atarian.

 Instrumentu Taldeen VIII. Lehiaketan Gipuzkoa, Bizkaia eta Arabako 195 musikarik parte hartuko dute, 26 taldek orotara; 18 musika eskola eta 17 herri ordezkatuz. Goizeko 10:30etatik aurrera eta hiru mailatan banatuta, goiz eta arratsalde arituko dira taldeak daukaten onena ematen. Sari banaketa arratsaldeko 19:15ean egingo da. Honako hauek osatuko dute epaimahia: Juan Navarro, Euskadiko orkestra sinfonikoko klarinete solista; Patricio Goialde, gitarra elektrikoa, harmonia, jazz eta konponketaren irakaslea. Gaur egun Musikeneko irakaslea da Jazzeko Musikaren Historia arloan; eta, Mari Jose Cano pianoko irakaslea eta Diario Vascoko musika kritikaria.
 
∞Lotura duten albisteak:
 
 
 
Kultura Elgoibar