Precor etxeko makina berriak aldapan gora ariko bagina moduan antxintxika egiteko aukera eskaintzen du, besteak beste, inklinazioan jartzeko sistemari esker. Horrez gain, erabiltzaileek 20 km/orduko abiaduraraino egin dezakete antxintxika zinta gainean.
•Zapatu goizetan ere irekita
Lehen ez bezala zapatu goizetan ere irekita egoten da Mintxetako muskulazio gela. Ordutegiari dagokionez, kirol instalakuntza 10.00etatik 13.30era arte erabili ahal izango da zapatu goizetan. Muskulazio gelaren erabilera doakoa da Kirol Patronatuko bazkideentzat. Bestelako guztiek 4 euroko sarrera ordaindu behar dute.