Bigarren urtez jarraian, munduko hainbat bazter eta herrialderen inguruko informazio erabilgarria eman dute aurten hainbat bidaiarik lau hitzalditan, Gazte Informazio Guneak antolatu duen Ostegun Bidaiariak hitzaldi zikloan.
•Naturazaleen eta kirolzaleen paradisua
Laugarren eta azken hitzaldia eskainiko du gaur Ane Garmendiak. Naturarekin kontaktuan egoteko eta kirola egiteko guztiz aproposa den Dolomita mendilerrora (Italia) furgonetaz eginiko bidaiaren nondik norakoak azalduko ditu elgoibartarrak. "Natura aldetik eskaintzen dizuna sekulakoa da: ez dauka zerikusirik Pirinioekin. Gainera, ez da gazteentzat bakarrik: parke tematiko bat bezalakoa da. Natura gustatuz gero, gomendatzeko moduko tokia dira Dolomitak" azaldu du Garmendiak hitzaldian azalduko duenaren aurrerapen moduan.
Laugarren eta azken hitzaldia eskainiko du gaur Ane Garmendiak. Naturarekin kontaktuan egoteko eta kirola egiteko guztiz aproposa den Dolomita mendilerrora (Italia) furgonetaz eginiko bidaiaren nondik norakoak azalduko ditu elgoibartarrak. "Natura aldetik eskaintzen dizuna sekulakoa da: ez dauka zerikusirik Pirinioekin. Gainera, ez da gazteentzat bakarrik: parke tematiko bat bezalakoa da. Natura gustatuz gero, gomendatzeko moduko tokia dira Dolomitak" azaldu du Garmendiak hitzaldian azalduko duenaren aurrerapen moduan.
•Munduko bazterrak gertuago
Aurreko hiru hitzaldietan urruneko bazterrak gerturatu zituzten bidaiariek. Hala, lehen hitzaldian Santiago Bidea eta Interrail izan zituzten hizpide Joanes Rodriguez, Ion Sanchez eta Iokin Zubiaurre elgoibartarrek. Bigarrengo hitzaldian Costa Rica, Panama eta Mexiko aldeko hondartzetan olaturik onenen bila egin zuten bidaia azaldu zuten Aimar Lasa eta Deba Urizar surflari debarrek. Hirugarren saioan, berriz, Ama Afrika izeneko hitzaldia eskaini zuten Billabonako Luisa Montecelok eta Onditz Jauregik. Maroko, Mauritania, Mali, Burkina Faso, Ginea Conakry eta Senegalen zortzi hilabetetako bidaian bizitakoak azaldu zituzten.