IMH Sanloko neskak Euskadiko Txapeldun

elgoibarren.net 2009ko api. 14a, 09:54

Herritarren aurrean lortu zuen IMH eskubaloi taldeak kadete mailako Euskadiko Txapelketa irabaztea. Merezimendu osoz eskuratu zuten titulua, partida guztiak irabazi baitzituzten. Taldearen garaipenaz gainera IMHko bi jokalarik norbanako sari bana ere eskuratu zuten: jokalaririk onenarena Maite Bollarrek, eta golegilerik onenarena Ainhitze Etxeberriak. Espainiako Txapelketako fase batean parte hartuko dute IMHkoek datorren hilean.

Bestalde, Federopticos Ikus taldeak Gipuzkoako Txapelketa irabazi du eta Udaberri Txapelketa Cometel taldeak.

1706640400490 IMH Sanloko neskak Euskadiko Txapeldun

Olaizaga Kiroldegian jokatu ziren Euskadiko Txapelketako partidak apirilaren 3a eta 5a bitartean. Zaletuek harmailak bete zituzten hiru egunetan eta jokalariek eskertu zituzten jendearen animuak, batez ere etxekoek, IMHko neskek.

Barixakuan 29 eta 23 nagusitu ziren IMHkoak zarauztarren aurka eta zapatuan, berriz, bigarren garaipena (14-42) eskuratu zuten, basauriarren aurka oraingoan. Azken partiduan, Errotaberriko ermuarren aurka, nahikoa zuten lau goletako aldeaz galtzea txapeldun izateko, baina erakustaldia eman eta 29 eta 19 irabazi zuten IMHkoek.

Kirola Elgoibar