Tokiko Agenda 21 planean aurreikusitako ekintzetatik %71 martxan daude

 

 

  Alfredo Etxeberria alkateak eta Idoia Alvarez Ingurumen teknikariak eskainitako prentsaurrekoan azaldutakoaren arabera, Agenda 21 egitasmoaren ezartze maila %28koa izan da lehenengo hiru urteetan. Datu hori Foru Aldundiaren aurreikuspenen azpitik dago, izan ere, %39koa izan beharko luke-eta. Hala ere, Elgoibarko programa zazpi-zortzi urtetan burutzeko egituratu zela gogoratu zuten arduradunek, eta ondorioz, bost urtetarako egin ziren planek baino erritmo mantsoagoa duela nabarmendu zuten. Hala ere, aurrera pausuak eman direla azaldu zuten: 2007an eginbeharreko lanen %45 hasteko zeuden oraindik, eta 2008ko abenduan, ordea, %29 ziren hasi gabeko lanak.
•Lanen %2 amaituta
Arduradunek hasita, amaitzear, amaituta edo hasteko dauden lanen ebaluazioa egin zuten prentsaurrekoan. Agenda 21 egitasmoaren barnean, irisgarritasuna bermatzeko 214 ekintza inguru daude, eta horietatik %2 erabat amaituta daude. Horiei amaitzear edota aurreratuta dauden lanak gehituz %34 dira, eta 2008an %71 ziren hasita zeuden lanak. Ezartze maila altuena duten alorrak berdintasuna, ongizatea, kultura, euskara eta kirola dira %47arekin.
•Helburua herritarren bizi kalitatea hobetzea
Agenda 21 programa 2005ean jarri zuten martxan udalerriek Gipuzkoako Foru Aldundiaren laguntzaz, herritarren bizi-kalitatea hobetzeko asmoz. Elgoibarko programa 2014. urtean amaituko da.

 

∞Informazio osoagoa:

• Elgoibarko Tokiko Ekintza Planaren ezartze-mailaren ebaluaketa (power point)