Terrorismoaren biktimak gogoratzeko ekitaldia zapatuan egingo da

elgoibarren.net 2009ko api. 20a, 11:40
Deskargatu Info Ahotsak :

Iaz hasitako ekimenarekin jarraituz, Udalak terrorismoaren biktimei eskainitako oroimen eta errekonozimendu ekitaldia antolatu du. Zapatuan, apirilaren 25ean, izango da eguerdiko 12:00etan hasita. Biktimen oroimenez, hamabost minutuko isilaldia egingo da Udaletxe aurrean, eta ondoren, Giza Eskubideen Parkean (Usuan) dagoen Gernikako Arbola landarearen ondoan lore sorta bat lagako da.



Gernikako arbolaren muskilaren oinetan loreak jarri zituzten Mari Carmen Araolazak eta alkateak iaz.

 Udalak eta Eusko Jaurlaritzako Terrorismoaren Biktimen Arretarako Bulegoak antolatu zuten ekitaldian ETAk hildako sei herritar omendu zituzten iaz estreinakoz. Terrorismoaren ondorioz Elgoibarren hildakoak eta kanpoan hil diren elgoibartarrak gogoratzea izan zen, eta izango da, aurten bigarrengoz errepikatuko den ekitaldiaren helburu nagusia. Rosita Herrerok (Angel Berazadiren familiaren izenean), Mari Luz Rojok (Patxi Zabaletaren alarguna), Estrella Murillok (Jose Expositoren alarguna) eta Mari Carmen Araolazak (Jaime Arreseren alarguna) une hunkigarriak bizi izan zituzten iaz. (ikus hemen)




Gizartea Elgoibar