Gabilondok parte hartu zuen duatloia Seattle hiritik ordu betera dagoen Enumclaw herri txikian egin zen: 8,5 km antxintxika, 48 km bizikletan eta beste 6,5 antxintxika. Michael Gordonek irabazi zuen (2:09:28) lasterketa eta Ibon Gabilondok bosgarren egin zuen 2:17:22 denborari esker.
Lasterketa gogorra izan zela azaldu du triatloirariak eta han eta hemengo proben artean ikusi dituen desberdintasunak ere nabarmendu ditu: "Atentzioa ematen duen gauza bat da hemen kirola edade eta genero guztietako jendeak praktikatzen duela, oso irekia dago. Atentzioa ematen du baita ere erabiltzen den materiala punta puntakoa dela, bizikletetan batez ere gurpilak, kaskoak eta aerodinamika orokorrean asko zaintzen dute."
Honakoa ez da itsasoaren bestaldean parte hartu duen estreinako kirol proba izan. Iazko abenduan Seattleko maratoi erdian parte hartu zuen kirolari saiatu honek, eta ohi bezala, forma onean zegoela erakutsiz gainera. Hmabigarren postuan sailkatu zen eta ordubete eta hogei minutuan amaitu zuen proba.
|
|
Iturria: urgazi