Jose Antonio Osoro, Elgoibarko Udal Musika Bandako zuzendariaren eta Iñigo Cearsolo, Kultura batzordeburuaren -hau ere bandako kidea- eskutik jaso zuen saria Ainara Burgañak; 500 euroko saria, alegia.
Logotipo lehiaketan 38 lanek parte hartu dute, tartean Espainiako hainbat lekutatik aurkeztutakoak. Musika Bandako kideek osatutako epaimahaiaren iritziz, baina, Ainara Burgañak aurkeztutako lanak merezi zuen saria. Honakoa ez da Burgañak irabazten duen gisa honetako estreinako lehiaketa, 2006an Gazteria Sailak antolatutako logotipo lehiaketa ere irabazi baitzuen diseinatzaile grafiko lanetan aritzen den elgoibartarrak.
|
|
