H. Etxeberria: “EA eta Alkarbide, biek dute elkartasuna hitza izenean baina hortik gutxi biek ere”

Eusko Alkartasunako Gipuzkoako sektore kritikoak, Iñaki Galdos buru dela, EAtik banandu eta Alkarbide alderdi politikoa eratuko dute urtearen bukaerarako. Alderdiaren egoeraz hausnarketa egin du Hasier Etxeberria kazetariak Zuzeu albistarian. Politikaz idatzi izan duen bakoitzean sekula asmatzen jakin ez duela aitortzen badu ere, EA alderdiak harturiko bidea eta helmuga aurreikusi, eta bete-betean asmatu zituen Etxeberriak orain bost urte idatzitako artikuluan: Kilkerren kaiola izenekoa.