Pilar Ikastetxeak botako du Txupinazoa

elgoibarren.net 2009ko uzt. 15a, 11:50
Deskargatu Info Ahotsak :

 
Pilar Ikastetxeko ordezkari batek piztuko du San Bartolome jaiei hasiera emango dien suziria, abuztuaren 23an, udaletxeko balkoian. Pilar Ikastetxea dagoen eraikina Udalaren eskuetara pasako da 2010ean, jabeek (Errezabal Guraso Elkartea eta Gipuzkoako elizbarrutia, erdibana) hala erabakita, eta, Udalak, ikastetxeak urte luzetan gure herrian eginiko lana errekonozitu nahi izan du esker onez.

 
 
 

2010eko ekainean amaituko du Pilar Ikastetxeak irakaskuntzan egin duen ibilbide luzea.

 Udalak legealdi honen hasieran erabaki zuen herritar esanguratsu batek izango zuela txupinazoa botatzeko ardura eta ohorea. Iaz Mausitxa baserriko Rosa Mari Salegik bota zuen txupinazoa eta 2007an Jose Gurrutxaga atleta beteranoak izan zuen San Bartolome bezperako txupinazoa jaurtitzeko ohorea. Aurten Pilar Ikastetxea aukeratu dute Udal ordezkariek. “Herriari eskaini dion zerbitzua errekonozitu nahi izan dugu” adierazi du Alfredo Etxeberria, Elgoibarko alkateak. “Pilar Ikastetxeak lotura sakona dauka Elgoibarrekin eta elgoibartarrekin, adin bat daukagunon guraso asko bertan ikasitakoak dira” gaineratu du alkateak.

 Ikastetxea dagoen eraikina Udalari eman izana ere eskertu nahi du Udalak. Etorkizunean adinekoei laguntza zerbitzuak -Adinekoen egoitza, adinekoen eta elbarrien eguneko zentroa, elbarrientzako egoitza eta buruko gaixoentzako egoitza- eskaintzeko gunea izango da gaur egun Pilar Ikastetxea dagoen ingurua.
 

 
 
 
 
Gizartea Elgoibar