Reala lehiaketa ofizialetan parte hartzen hasi zela 100 urte bete dira gaur. Club Ciclista izenarekin jokatu zuen 1909ko Espainiako Txapelketan, eta irabazi egin zuen. Geroztik Espainiako bi liga, Espainiako bi kopa eta Superkopa bat ere irabazi dituzte txuri-urdinek, guztiak 1980eko hamarkadan. Garaipenez haratago, ordea, hiri eta probintzia oso baten ikur eta sentimendu bilakatu da askorentzat Reala. Elgoibarren ere, Bizkaiko mugetatik gertu dagoen herria izanagatik, jarraitzaile andana eduki izan du, eta dauka, Realak. Sasoi onenetan, esaterako, realzalez betetako lau autobus edo gehiago ere irten izan dira gure herritik. Zaletuak bakarrik ez, Realean jokatu duten elgoibartarrak ere makina bat dira.
•Elgoibartarrak Realean
- Florentino Etxeberria Etxabe. 1928-29 denboraldia Realarekin. 3 partida Realarekin.
- Tiburcio Beristain Berriozabal. 1931-32tik 1934-35era Realean. 110 partida Realarekin.
- Antonio Azpiazu San Martin. 1940-41tik 1941-42ra. 22 partida Realarekin.
- Jesus Gabilondo Aguirre. 1943-44tik 1946-47ra. 78 partida realarekin.
- Ricardo Suarez Iriondo. 1949-50etik 1955-56ra. 200 partida Realarekin.
- Antonio Ansola Arrieta. 1953-54tik 1960-61era. 141 partida Realarekin.
- Jose Cruz Arriola Albizu. 1953-54 denboraldia Realarekin.
- Jose Arakistain Arrieta. 1954-1955etik 1960-61era. 123 partida Realarekin.
- Fernando Astigarraga Iriondo. 1961-62tik 1964-65era. 52 partida Realarekin.
- Jose Gabiola Altuna. 1959-60tik 1962-63ra. 39 partida Realarekin.
- Jose María Arakistain Oñaederra. 1969-70etik 1976-77ra. 151 partida Realarekin.
- Fernando Ansola San Martin. 1971-72tik 1974-75era. 93 partida Realarekin.
- Luis Fernando Rodríguez Astigarraga. 1984-85 denboraldia. Partida bakarra Realarekin.
- Jose Luis González Vázquez. 1985-86tik 1991-92ra. 154 partida Realarekin.
- Joseba Etxeberria Lizardi. 1994-95ean. 7 partida Realarekin.
- Zuhaitz Gurrutxaga Loyola. 2000-01etik 2003-04ra. 37 partida Realarekin.
- Markel Bergara Larrañaga. 2007-08tik Realean. 55 partida Realarekin.
- BIDEOA: Realaren 100 urteak (Dokumental berezia/eitb)
•Argazkiak: (realsociedad.com)
|
|
|
|
|
|
|
|
