Unai Loiola eta Aitor Zabala nagusi oliba eta txapel jaurtiketetan

elgoibarren.net 2009ko ira. 8a, 10:20
Deskargatu Info Ahotsak :

{vimeo}6480692{/vimeo}Irudi bitxiak laga dituzte, aurten ere, asteburuan ospatu dituzten San Antolin Jaiek. Unai Loiolak oliba hezurrak jaurtitzen bera baino hoberik ez dagoela erakutsi zuen eta bigarren urtez jarraian jantzi zuen txapela oliba jaurtiketa lehiaketan. Txapel jaurtiketan, berriz, Aitor Zabalak gizonezkoetan eta Pilar Arriolak emakumezkoetan jaurti zuten txapela urrutien. San Antolin auzoko estreinako lasterketa herrikoian, bestalde, antxintxikari azpeitiarrak izan ziren jaun eta jabe. (Sailkapena dauka)


•70 parte hartzaile txapel eta oliba jaurtiketa lehiaketetan

1706640180040 Unai Loiola eta Aitor Zabala nagusi oliba eta txapel jaurtiketetan

43 gizonezko eta 26 emakumek hartu zuten parte txapel jaurtiketa eta oliba jaurtiketa lehiaketen bigarren edizioan, joan den barixakuan, San Antolin auzoan. Txapel jaurtiketan Aitor Zabala izan zen irabazlea. DV egunkariko berriemaileak 17 metro eta 50 zentimetroko jaurtiketa egin zuen eta berarentzat izan zen sari gisa eman zuten txanpan botila kaxa. Emakumezkoetan Pilar Arriolak egin zuen jaurtiketarik luzeena, 13,70 metrokoa, hain zuzen.

  Oliba hezur jaurtiketan, berriz, probari neurria hartuta diola frogatu zuen Unai Loiolak: Iaz, estreinako edizioan, 13,40 metroko jaurtiketa batekin eskuratu zuen txapela sanmigeldarrak; eta aurten, jaurtiketa laburragoa (8,80 metro) eginagatik lehia irabazteko nahikoa izan da. Ikusleek kuriositate handiz jarraitu zituzten bi lehiak eta asko izan ziren parte hartzera animatu zirenak ere.

•Antxintxikari azpeitiarrak nagusi

41 lagunek parte hartu San Antolineko estreinako lasterketa herrikoian.

 San Antolin auzoko lehen lasterketa herrikoian 41 lagunek parte hartu zuten zapatuan. Bost kilometro pasatxoko ibilbidea osatzen bizkorrenak bi azpeitiar izan ziren: Ioseba Altunak irabazi zuen proba (20:03) eta Garikoitz Uzkudun izan zen bigarren sailkatua (21:38). Mikel Anakabe elgoibartarra sailkatu zen hirugarren postuan (21:37). Emakumezkoetan Pilar Lama (30:29) elgoibartarra izan zen parte hartzaile bakarra, eta, hortaz, irabazlea. Mausitxako gaztak izan ziren irabazleentzako saria. Karkizano gaina lehen postuan zeharkatzeagatik, berriz, ardo kaxa bat eskuratu zuen sari gisa Garikoitz Uzkudunek. Auzoko lasterkaririk onenaren saria Aritz Telleriak lortu zuen. Julian Garaiak (70 urte) beteranoenarena eta Jon Guillok (12 urte) gazteenarena.
Sailkapena:
  1. Ioseba Altuna 20:03
  2. Garikoitz Uzkudun 21:28
  3. Mikel Anakabe 21:37
  4. Jorge Juaristi 21:51
  5. Arkaitz Astiazaran 22:01
 
 
 
 
 
 
 
Gizartea Elgoibar