Valentziako lurretan jokatu den Espainiako txapelketa gogorra izan dela aitortu du Martinezek, “bero sargoria egiten zuen, 30 gradutik gora. Ito beharrean ibili ginen”. Eta txapelketa jokatu zen eremuak ere ez zuen asko laguntzen: “harri asko zeuden eta astuna egiten zen diana batetik bestera egin beharreko bidea”.
Espainiako Arku Txapelketan 180 arkularik parte hartu zuten; horietatik 15 Martinenez modalitate berean aritu ziren: “Katalanak 11, bi euskaldun, napar bat, madrildar bat eta murtziar bat”. Bistakoa da, beste hainbat kirolekin gertatzen den moduan, kirol honek Katalunia aldean duen indarra. Jatorrietaz ari garela, euskal ordezkaritza leku onean laga izanaz ere harro dago Martinez. EAEko bi ordezkariek lorturiko emaitzak Euskal federazioarentzat oso onak direla uste du: "Kantitatez gutxi baina kalitatezko emaitzak dira” laburbiltzen du.
Denboraldia amaitu berri balantzea egiteko ordua da orain eta azaroan hasiko den denboraldi berria prestatzen hastekoa. Aurtengoa hobetu, edo gutxienez, berdintzea izango da Jaime Martinezen erronka nagusia, baina beste erronka bat ere badu: finantzazioa. Material, entrenamendu eta bidaietan dirua joaten zaiola dio eta jasotzen dituzten subentzioak “ez dira inondik ere nahikoa”.
- Ikus hemen: Jaime Martinezi eginiko elkarrizketa (Barren 577/2006-06-23)