Aritza Monasterio ‘Mondo Difficile’ telebista saioan agertu da

elgoibarren.net 2009ko ira. 14a, 13:23
Deskargatu Info Ahotsak :

Perun, 3.000 metrotik gora dagoen Huaraz herrian bizi da Aritza Monasterio mendi gidaria. Behin baino gehiagotan izan da BARREN aldizkaria edota elgoiBARREN.net orainkariko protagonista, goi mendietan irekitako bide berri edo eginiko balentriak direla-eta gehienetan. Oraingoan, baina, bere eguneroko bizimoduaren zertzelada batzuk ezagutzeko aukera eskaini digu ETB-2ko “Mondo Difficile” saioak. (bideoak dauzka)

 

•Bideoak: (eitb.com webgunean ikus daitezke bideoak)
  • Bideo 1
  • Bideo 2 (3:36 minututik 7:21era agertzen da Aritza Monasterio)

1706640154869 Aritza Monasterio ‘Mondo Difficile’ telebista saioan agertu da

 Atzerriko herrialdeetan bizi diren euskal herritarrak dira programako ardatz eta Peruri eskainitako saioan agertu da Aritza Monasterio elgoibartarra. Ekonomi krisiaren eta A gripearen eragina, eragin kaltegarria, igartzen ari direla aipatzen du Aritza Monasteriok Mondo Difficile saioko bideo hauetan. Turistarik apenas ari den joaten Huarazera, eta, hortaz, bere lanean ere –mendi gidaria da- eragin zuzena dauka beheraldi horrek. Bere semea, Zuhaitz, eta emaztea, Gisela, ere aurkezten ditu bere bizilekua eta inguruak erakutsi eta eguneroko bizimoduaren nondik norakoak azaltzeaz gainera.
  •  Peruri buruzko saioko gairerako bideoak: hemen eta hemen
 
 
 
 
Gizartea Elgoibar