Zinea, Reala eta musika uztartuko ditu Bandaren hurrengo kontzertuak

elgoibarren.net 2009ko ira. 14a, 14:47
Deskargatu Info Ahotsak :

 
Donostiako Zinemaldiari eta Realaren mendeurrenari eskainitakoa izango da Udal Musika Bandak eskainiko duen hurrengo kontzertua, datorren domekan (irailak 20), Herriko Antzokian.
Sei film ezagunetako soinu bandak eta Realaren Txuri-Urdin himnoaren bandarako bertsioa joko ditu Musika Bandak. Hain justu, Elgoibarko Udal Musika Banda izan zen, orain 11 urte, Ricardo Sabadiék konposatutako bertsioa estreinakoz jendaurrean jo zuena.



1706640154529 Zinea, Reala eta musika uztartuko ditu Bandaren hurrengo kontzertuak

  Musika Bandak Realaren Txuri-Urdin ereserkiaren bandarako bertsioa jendaurrean estreinakoz jotzeko ohorea eduki zuen 1998ko ekainaren 14an, Herriko Antzokian eskaini zuen saioan. Amaieran, Ricardo Sabadié himnoaren egilea eszenatokira igo eta garaikur bat jaso zuen orduko alkatearen (Gillermo Garate) eskutik, goiko artxiboko argazkian ikus daitekeen moduan.
 Egileak berarekiko izandako begirunea bihotzez eskertu zion Elgoibarko herriari eta bereziki Musika Bandari. “Elgoibar baita horrelako errekonozimendua egin didan Gipuzkoako lehen herria eta bakarra” adierazi zuen emozionaturik.
 Hortaz, Donostiako Zinemaldiari eta Realaren 100. urteurrenari eskainitako kontzertua izango da Bandak domekan emango duena.

•Egitaraua:
  • El Puente sobre el rio Kwai (I. Urkizu)
  • West Side Story (L. Bernstein)
  • Memorias de Africa (J. Barry)
  • Moment For Morricone (Morricone-De Meij)
  • La Mision (R. Kerner)
  • La Mascara del Zorro (J. Horner)
  • Txuri-Urdin (R. Sabadie)
*Eguerdiko 12:30ean hasiko da Herriko Antzokian.
 
 
 
 
Kultura Elgoibar