Donostiako Zinemaldiaren gaineko zikloa eskainiko du Ongarrik

elgoibarren.net 2009ko ira. 17a, 10:43

Bihar (irailak 18) hasiko da Donostiako Zinemaldiaren 57. edizioa, eta, Elgoibarko Ongarri Zine klubak, azken urteetako ohiturari jarraituz, Zinemaldiaren gaineko zine zikloa eskainiko du, gaurtik (irailak 17) aurrera. Iaz moduan, lau film emango dituzte aurten ere, denak ere nazioarteko Zinemaldian emandakoak edo emango direnak. ‘Genova’ filmak hasiko du, gaur eta bihar, zikloa.

1706640153514 Donostiako Zinemaldiaren gaineko zikloa eskainiko du Ongarrik

Michael Winterbottomen Genova filmak hasiko du zikloa, hain justu ere iaz Donostiako Zinemaldian zuzendari onenaren Urrezko Maskorra irabazi zuen filmak. Alargun gelditu berritan, alabekin Italiara joango den gizon baten istorioa kontatzen du filmak. Beste bizimodu baten bila abiatuko dira Genovara, eta, han, alabetako batek sexualitatea deskubrituko du, eta besteak, amaren mamuarekin egingo du topo.

•Zikloko pelikulak (egunak eta orduak)
•Genova (M. Winterbottom, Britainia Handia). 2008ko Zinemaldian zuzendari onenaren zilarrezko maskorra jaso zuen.

Eguena 17, 21:30ean
Barixakua 18, 22:15ean

•La caja de pandora. (Yesmin Ustaoglu, Turkia) Pelikula onenaren saria jaso zuen, eta Tsilla Chelton aktoreak zilarrezko saria jaso zuen. (*informazio gehiago web gune ofizialean)

Zapatua 19, 19:00/22:15
Domeka 20, 19:00
Astelehena 21, 21:30

•Parque Via (Enrique Rivero, Mexiko). 2008ko Zinemaldian aipamen berezia jaso zuen Muga Latindarren atalean. (informazio gehiago)

Martitzena 22, 21:30ean
Eguena24, 21:30ean

•Tres dias con la familia (Marc Coll, Espainia). 2009ko Zinemaldian, Made in Spain atalean eskainiko da pelikula hau. (informazio gehiago)

Eguaztena 23, 21:30ean
Barixakua 245, 22:15ean

Kultura Elgoibar