Lazkanok garaipena eta Amilibiak errekor berria San Migelera igoeran

 San Migelgo igoerak irabazle elgoibartar bat izateke jarraituko du beste urtebetez. Estreinako edizioan, 2007an, Itziarren bizi den Unai Bengoa berriztarrak irabazi zuen proba; Josu Arregi azpeitiarra nagusitu zen iaz, eta Iñigo Lazkano mendaroarra aurten. Txirrindularitza munduan ibilitakoa da Lazkano eta antxintxika ere ondo moldatzen dela erakutsi du. Azken metroetan esprintean irabazi zion Unai Bengoaari, lehen edizioko irabazleari, hain zuzen ere. Hirugarren postuan sailkatu zen lehen elgoibartarra, Iñigo Lariz. Auzoko lehen antxintxikaria Imanol Santos izan zen.

 Emakumezkoetan, Nerea Amilibia ez zen iazko garaipena errepikatzearekin konformatu eta errekor berria ezarri zuen: 24 minutu eta 31 segundu. Lendinez ahizpak, Ainhoa eta Nerea, sailkatu ziren bigarren eta hirugarren postuetan, hurrenez hurren.

•Gizonezkoen sailkapena

1. Iñigo Lazkano (Mendaro) 20:40:90
2. Unai Bengoa  (Itziar)     20:41:30
3. Iñigo Lariz (Elgoibar)     21:46:40

•Emakumezkoen sailkapena

1. Nerea Amilibia (Aia)    24:31:70
2. Ainhoa Lendinez (Elgoibar)    26:18:70
3. Nerea Lendinez (Elgoibar)    27:20:00

• Sailpakena osoa (pdf)

•15 elgoibartar Mutriku-Deba-Mutriku lasterketan
 128 lagunek hartu zuten zapatuan, irailaren 26an, Mutriku-Deba-Mutriku lasterketa herrikoian. 10,7 kilometroko lasterketan Iñigo Agirre mutrikuarra (35:42) eta Olatz Gabilondo azkoitiarra (45:57) izan ziren azkarrenak. Elgoibartik, ohi bezala, jende dexente joan zen, 15 guztira.

• Ikus hemen: elgoibartarren sailkapena (urgazi)

San Migelera igoerako argazkiak: