Scooter bat nabarmendu zen 300 motor handiren artean

elgoibarren.net 2009ko ira. 30a, 13:34

{vimeo}6814363{/vimeo}Motorren hirugarren kontzentrazioa aurreko biak halakoa edo "arrakastatsuagoa" izan dela aitortu dute antolatzaileek, Skull’s Riders taldeko kideek. Domekan 300 motorretik gora elkartu ziren Plaza Handian, handi eta ikusgarriak gehienak. Guztien gainetik, ordea, bi scooter txiki nabarmendu ziren. J.J. Gasek bi scooter txikiren gainean Plaza Txikian eskaini zuen trebetasun erakustaldia ikus dezakezue bideo honetan. (Argazkiak eta bideoa dauzka)

300 motor baino gehiago batu ziren Plaza Handian.

Aurtengo berrikuntzetako bat kontzentrazioko partaideek herri barrutik egin zuten ibilaldia izan zen, eta antolatzaileen berbetan “herritarrek eskertu zuten ikuskizuna”. Motor guztiak Plaza Handian erakusgai jarri aurretik 50 kilometro inguruko txangoa egin zuten motorzaleek Itziar, Azpeitia eta Azkoitiatik pasaz. Gero, Plaza Handitik bazkaltzera joan ziren eta paella eder bat jan zuten.
Zapatuan antolatu zituzten ekintzek izandako harrerarekin ere gustura daude mortorzale elgoibartarrak, nahiz eta Bocanada taldeak Madalan eskaini zuen rock kontzertura lagun gehiago hurbilduko zirela uste izan. Scooter gidariek Plaza Txikian eskaini zuten erakustaldiak, aldiz, lagun asko batu zituen. Gidariek motor txiki baina jostagarri hauekin deabrukeriak egiteko gai direla erakutsi zuten: jarleku gainean zutik igota, atzekoz aurrera, eskurik gabe gidatuz nahiz aurreko zein atzeko gurpilak altxatuta zur eta lur laga zituzten ikusleak.

Gizartea Elgoibar