Zertan arituko dira txekiar bat, kataluniar bat eta ehun euskaldun IMHn?

elgoibarren.net 2009ko urr. 6a, 15:06
Deskargatu Info Ahotsak :
es en fr

 
Txiste baten hasiera dirudi eta, hala izan zitekeen arren, Makina-Erremintaren Institutuan aurkituko ditugu tituluko guzti horiek, urriaren 22an, 30+10 mintegiako parte hartzaileak baitira. Entzule moduan parte hartzeko aukera ere badago.

 


Belgika eta Kataluiniako gonbidatuak, iaz, IMHko zuzendariarekin.

 Laugarren urtez jarraian, enpresen emaitzak hobetzeko, hizkuntzak nola kudeatu azalduko dute, 15 proposamen ezberdinen bitartez, 30+10 mintegian parte hartuko duten lagunek.
 Mintegiaren emaitzak urtez urte hobetzeko asmoz, antolatzaileek berrikuntza txikiak egin izan dituzte. Aurtengoan ere izango dira batzuk, baina, oraingoz, bakarra aurreratu dute: mahai-ingurua. Goiza amaitu, eta mokadua jatera joan aurretik, saio irekia antolatu dute. Hizlari gehienek parte hartuko dute bertan.

  • Izen ematea: Aldibereko itzulpen zerbitzua izango da, eta entzule etorri nahi duenak hiru bide ditu izena emateko: Telefonoz: 943 74 41 32 (Leire Alberdi/Itziar Egiguren), posta elektronikoz edo web gunean izena emanez.
  • Parte-hartzaileak: Aurtengo 30+10 mintegian, bertako hainbat erakunde garrantzitsutako ordezkariek aurkeztuko dituzten txostenez gain (besteak beste: Adegi, ITP, Fagor, Don Bosco, Kutxa, Caja Navarra, HPS, GFA, Emun, Elhuyar, Artez, Dualia, Doble Sentido, …), Europako adituen ekarpenak ere izango dira mintegian; oraingoan, Txekia (Charles University) eta Kataluniakoak (UOC).  
  • ∞Informazio osoagoa: imh.es
•BIDEOAK:
 
 
 
Hezkuntza Elgoibar