Diru-laguntza izango duten erakundeen artean Elgoibarko Udala dago. Udalak, datozen bi urteetan, 200.000 euro jasoko ditu (100.000 euro urte bakoitzean) Mintxetan antxintxika egiteko ibilbide berri bat egokitzeko.
Oraindik zehaztu gabe dago ibilbideak izango duen zoru mota. Hori bai, minusbaliatuentzako aproposa izango da. Besteak beste, harmailen atzean dagoen bide zatiko aldapa xamurtuko dute; orain %15eko portzentaia duen malda % 8ra jaitsiko dute. Zirkuitu guztia kirol instalakuntzen kanpoaldetik eraikiko dute eta futbol zelaia eta igerilekuak inguratuko ditu.
*Argazkia: Manu Sanchez.