Pilarika Egunean, urriaren 12an, jokatuko da txirrindulari denboraldiari
amaiera ematen dion San Pedrora txirrindulari igoera, afizionatu
mailako txirrindularientzat. Santa Klarako auzotar batek, Jorge
Gonzalezek, irabazi zuen 2006ko igoera. Hurrengo urtean, 2007an, Jorge
lehengusuaren ezkontzara etorri eta, bide batez, lasterketa irabazteko
astia eduki zuen Vicente Gonzalez galiziarrak jantzi zuen txapela.
Iazko ekitaldian, Josu Uriarte markinarrak hartu zien lekukoa
gonzaleztarrei podiumeko koskarik gorenean. Ikusi egin beharko da
aurten nor nagusituko den.
