“Sumendien Himalayan” inoiz egin gabeko zeharkaldia osatu du Alex Garatek

elgoibarren.net 2009ko urr. 19a, 13:24
Deskargatu Info Ahotsak :
es en fr

Puna de Atacama izeneko lurraldean, Argentinan, daude Amerikako hamar mendi garaienetako zazpi. Horietako batzuk: Ojos del Salado, Cerro Ata, Arianos, Walter Penck eta Cerro Nacimiento lotu ditu Alex Garatek, orain arte inoiz egin gabe zegoen zeharkaldian. “Sumendien Himalaya” moduan deskribatu dituen parajeetan burututako espedizio luze eta gogorraren xehetasun guztiak Pyrenaica mendi aldizkariaren azken alean azaldu ditu Garatek berak, 1991. urteaz geroztik Argentinako Cordoba hirian bizi den elgoibartarrak.

 

 Alex Garate (Elgoibar, 1968) Euskal Herriko, Pirinioetako eta Picos de Europako mendietan asko ibili ondoren, Argentinako Cordoba hirian bizi da 1991tik honako urte gehienetan. Andeetako goi mendi ugari igo ditu: Aconcagua (hiru bider), Ojos del Salado (lau bider), Pissis (bi bider), Bonete, Walter Penck, Incahuasi, Nacimiento, Rincon, Condoriri eta beste batzuk.
 Hain zuzen, artxiboetan arakatzen ari ginela, 1993. urteko BARREN batean Alex Garateri eginiko elkarrizketa batekin egin dugu topo, Amerikako mendirik garaiena, Akonkagua (6.962 m.), igo zuen hirugarren elgoibartarra izan zela-eta egin zitzaion elkarrizketan. Hemen irakur dezakezue 1993ko martxoaren 18an argitaratutako elkarrizketa.

batu dituen zeharkaldiaren panoramika.

Ojos del Salado eta Nacimiento gailurrak

 2003ko martxoan, Pissis (6.795 m.) mendiaren hegotik iparrerako lehen trabesa ere egin zuen Garatek. Bestalde, “Mendiak eta Herriak" mendi gidari taldearentzat gidari lanak egiten ditu Argentinako Andeetan.

 Pyrenaica, Euskal Mendizale Federazioaren aldizkarian argitaratutako erreportaje luzea ikus dezakezue hemen PDF formatoan:
 
 
 
Kirola Elgoibar