Hitzaldi-irakurketa: “Eskerrik asko, Gotzon. Gotzon Garate, bidegile”

elgoibarren.net 2009ko urr. 21a, 08:09
Deskargatu Info Ahotsak :
es en fr

 
Gotzon Garateren omenez prestatutako programarekin segituz, gaur (eguaztena) Gotzon Garateren gaineko hitzaldi-irakurketa izango dugu Kultur Etxean Miel Anjel Elustondo idazle eta argazkilariaren eskutik.
Gainera, Miel Anjelek Bidegileak sailerako idatzitako “Gotzon Garate Goiartzun” liburua aurkeztu eta banatuko zaie hitzaldi-irakurketara azaltzen direnei.
INTERNETEZ: hitzaldi-irakurketa zuzenean emango dugu www.elgoibarren.net atarian.

 

1706640085275 Hitzaldi-irakurketa: “Eskerrik asko, Gotzon. Gotzon Garate, bidegile”

“Bidaia, Gotzon Garateren bizitza eta obrak lagun harturik. Umetako Elgoibar, gaztetako Loiola eta Innsbruck, heldutako Deustu, New York eta India … bisitatuko ditugu. Eta garaian-garaian, marxismoaren gaineko lanak, polizi nobela beltzak, atsotitzak… irakurriko ditugu. Gotzonek esandakoak berrituko ditugu, hark idatzitakoak gogoratuko. Gotzon Garateren omenezko hitzaldi-irakurketa egingo dugu, maitasunez, esker onez”.                   
Miel Anjel Elustondo
  •  Hitzaldi-irakurketa, esan bezala, gaur izango da, Kultur Etxean (19:00etan hasita).

•Zuzenean emango dugu hitzaldi-irakurketa
 Gotzon Garateren herri-omenaldiarekin egin genuen moduan, gaurko hitzaldi-irakurketa ere zuzenean emango dugu www.elgoibarren.net atarian. Hitzaldi-irakurketaz gozatu eta liburua jasotzeko jendea bertara joateko gonbitea luzatu dute antolatzaileek, baina, Kultur Etxera azaldu ezin dutenek, Internet bidez ikusteko aukera izango dute.

 Gaurko hitzaldi-irakurketa, Gotzonen omenez prestatu den programa osoa moduan, Elgoibarko Izarra Kultur Elkarteak eta Elgoibarko Udalak antolatu dute elkarlanean.
 
 
 
 
Kultura Elgoibar