“Ona litzaiguke etorkizun-ikuspegirako elementu batzuk izatea gure euskaltasunaren aurrerabidea ikusteko. Oro har, ez dut uste ondoegi egiten ari garenik estrategia mailako etxekolanak. Euskararen garapenaren gaian gauza askotan sumatzen den fundamentu faltaren arrenkuratik abiatuko da gogoeta. Nola goaz? Etorkizun-ikuspegiak eraikitzeko material batzuk aurkeztea da solasaren helburua. Euskaltasunaren aurrerabideari buruzko elementu batzuk aletzea, eta galdera egokiagoak egiten saiatzea”.
Jon Sarasua
- Hitzaldia azaroaren 4an izango da (eguaztena), Kultur Etxean, arratsaldeko 19:00etan hasita.
•Zuzenean emango dugu hitzaldia
Miel Anjel Elustondok eta Iñaki Lasak eskaini zuten hitzaldi-irakurketarekin egin genuen moduan, gaurko hitzaldia ere zuzenean emango dugu www.elgoiBARREN.net atarian. Jon Sarasuak euskaltasunaren gainean egingo dituen gogoetak entzutera Kultur Etxera azaldu ezin dutenek, Internet bidez ikusteko eta entzuteko aukera izango dute.
- Ikusi hemen: Gotzon Garateren omenez prestaturiko ekintza guztiak