Jesus Maria Astigarraga Danobat-eko presidenteak eta Iosu Zabala Mondragon Unibertsitateko errektoreak “Tailerreko Eskuliburu Teknikoa” liburua aurkeztu dute gaur (azaroak 10) Arriaga industrigunean dagoen Ideko enpresan (Danobat Taldearen I+G Zentro Teknologikoa). Euskaraz soilik dagoen eskuliburu teknikoa makina-erremintako sektoreko langileei zuzenduta dago.
•Erabilerrazagoa
Duela bost urte, Danobat kooperatibaren sorreraren 50. urteurrena zela-eta, liburu honen lehenengo edizioa argitaratu zen. Hainbat bazkideren esperientzia eta lankidetzarekin kontatu zen orduan. Ekimen horrek “arrakasta handia” izan zuenez, bigarren edizio hau hobetua eta eguneratuta dago Mondragon Unibertsitatearen lankidetzarekin.
Duela bost urte, Danobat kooperatibaren sorreraren 50. urteurrena zela-eta, liburu honen lehenengo edizioa argitaratu zen. Hainbat bazkideren esperientzia eta lankidetzarekin kontatu zen orduan. Ekimen horrek “arrakasta handia” izan zuenez, bigarren edizio hau hobetua eta eguneratuta dago Mondragon Unibertsitatearen lankidetzarekin.
Jesus Maria Astigarragak azaldu duenez, hiru urteko lanaren esfortzua da eskuliburu berria eta, aurrekoarekin alderatuz, “erabilerrazagoa” dela nabarmendu du Mondragon Unibertsitatearen laguntzari esker. Lanean ere euskaraz bizi nahi dutenentzat tresna bat dela gaineratu du Danobat-eko presidenteak. Lehen edizioak izan duen arrakasta eta barneratze maila zirimiriarekin alderatu ditu: “Hau ez da euri jasa handi bat moduan, zirimiria moduan baizik; langileak poliki-poliki ohitu behar dira lanean gazteleraz ezagutzen dituzten berbak euskaraz erabiltzera”. Iosu Zabalak, berriz, liburua argitaratzearekin bakarrik ez direla konformatzen argi laga nahi izan du eta liburuaren zabalpenean lan egiteko konpromisoa adierazi du.
•Eskuliburuaren edukia
Liburua tailerretan, eta zehatzago makina-erremintaren sektorean, aritzen direnei zuzenduta dago (adibidez, muntatzaileak, diseinatzaileak eta mekanikoak) baita alor horretan lan egin nahi duten egungo unibertsitateko edota lanbide heziketako ikasle direnei ere.
Eskuliburuak, alde batetik, diseinatzaileentzat oso erabilgarria den informazio jasotzen du (oinarrizko kalkulua, trigonometria, materialen ezaugarriak, transmisioen kalkulua, ergonomia, etab) eta bestetik, muntatzaile eta mekanizatzaileentzat baliagarriak diren hainbat taula (hari ezberdinen neurriak, errakor mota ezberdinak, unitate aldaketak eta makinen osagai ezberdinak eta plakatxo, harri edota zerrei buruzko datuak ere). Horrez gain, eskuliburuak elektrizitatea eta elektronikako oinarrizko formulario bat eta hiztegi txiki bat jasotzen ditu.
•Eskuliburuaren edukia
Liburua tailerretan, eta zehatzago makina-erremintaren sektorean, aritzen direnei zuzenduta dago (adibidez, muntatzaileak, diseinatzaileak eta mekanikoak) baita alor horretan lan egin nahi duten egungo unibertsitateko edota lanbide heziketako ikasle direnei ere.
Eskuliburuak, alde batetik, diseinatzaileentzat oso erabilgarria den informazio jasotzen du (oinarrizko kalkulua, trigonometria, materialen ezaugarriak, transmisioen kalkulua, ergonomia, etab) eta bestetik, muntatzaile eta mekanizatzaileentzat baliagarriak diren hainbat taula (hari ezberdinen neurriak, errakor mota ezberdinak, unitate aldaketak eta makinen osagai ezberdinak eta plakatxo, harri edota zerrei buruzko datuak ere). Horrez gain, eskuliburuak elektrizitatea eta elektronikako oinarrizko formulario bat eta hiztegi txiki bat jasotzen ditu.
•Durangoko Azokan eta Interneten
Argitaratutako 1.500 aleak Danobateko langile, bezero, hornitzaile eta Mondragon Unibertsitateko ikasle eta irakasleek eskuragarri izango dute. Era berean, Mondragon Unibertsitateak eskuliburua bere prestakuntza zentroei eskainiko die. Liburua abenduaren 4tik 8ra ospatuko den Durangoko Liburu Azokan salgai egongo da Mondragon Unibertsitateko standean.
Liburuaren kontsulta errazteko asmotan, formatu digitalean aurki daitezke honako web guneetan (oraindik ikusteko moduan ez dauden arren, gaur bertan igoko dituzte dokumentuak):
Argitaratutako 1.500 aleak Danobateko langile, bezero, hornitzaile eta Mondragon Unibertsitateko ikasle eta irakasleek eskuragarri izango dute. Era berean, Mondragon Unibertsitateak eskuliburua bere prestakuntza zentroei eskainiko die. Liburua abenduaren 4tik 8ra ospatuko den Durangoko Liburu Azokan salgai egongo da Mondragon Unibertsitateko standean.
Liburuaren kontsulta errazteko asmotan, formatu digitalean aurki daitezke honako web guneetan (oraindik ikusteko moduan ez dauden arren, gaur bertan igoko dituzte dokumentuak):
- Danobat
- Mondragon Unibertsitatea (PDF formatuan nahi baduzu egin klik hemen)