Karakatera antxintxika eta aurpegi onarekin gainera!

elgoibarren.net 2009ko aza. 12a, 12:08
Deskargatu Info Ahotsak :
es en fr

Zapatuan, azaroaren 14an, jokatuko da Karakateko Igoera. Parte hartzaileak goizeko 11:00etan irtengo dira Plaza Handitik eta, nahi duten bidea aukeratuz, Karakateko tontorreraino igo beharko dute. Aurten, azken metroak aurpegi “onenarekin” egiten dituenak Mausitxako gazta bat irabaziko du. Bestalde, Morkaikoren mendiko argazki lehiaketan lanak entregatzeko azken eguna azaroaren 26an dela gogoratu nahi du mendizale taldeak. (bideoa dauka)


1706640046718 Karakatera antxintxika eta aurpegi onarekin gainera!

  Karakatera antxintxika igotzea ez da txantxetakoa: 700 metroko desnibela 2,5 kilometrotan. Probatu dutenek badakite eta, sekula egin gabe ere bistakoa da probaren gogortasuna. Esfortzua eta sufrimendua erabatekoak dira, hasieratik bukaerara arte. Karakateko tontorrera ailegatzen diren parte hartzaileen aurpegiak ikustea besterik ez dago (egin klik beheko argazki txikian 2008ko parte hartzaile guztiak, banan banan, tontorrean ikusteko). Bada, Morkaiko Mendizale Elkarteko kideei azken metroetan aurpegirik onena duen parte hartzailea saritzea otu zaie. Azken metroetako nekea disimulatu eta “aurpegi onena” erakutsiz antzezle lan hoberena egiten duenak Mausitxako gazta bat irabaziko du.
  01 Josu Arregi

•Errekorra, aurten bai?
  Josu Arregik (29´18´´), irabazi zuen iaz Karakateko igoera. Bigarren garaipena izan zen azpeitiarrarentzat -2004koa ere berak irabazi zuen-, baina, errekorraren bila etorri zen eta bere poza ez zen erabatekoa. Aritz Kortabarria arrasatearrak 2006an ezarri zuen errekorretik (29´00´´) 18 segundora geratu zen lanbidez suhiltzailea den azpeitiarra. Probaren errekorra ondu ez arren, parte hartzaileena hobetu zen iaz. Sekula baino parte-hartzaile gehiago, 52 lagun guztira, animatu ziren Karakateko aldapa pikoekin borroka egitera. Emakume bakarrak parte hartu zuen 2008ko edizioan, Oihana Kortazarrek. Elgetarra 24. postuan sailkatu zen 36´52´´ denborarekin errekor berria ezarriz.

 • BIDEOA: 2008ko Karakateko Igoera
{vimeo}7572261{/vimeo}
∞Lotura duten albisteak:
 
 
Kirola Elgoibar