Iñigo Lazkano mendaroarrak irabazi du Alkortako IV. Igoera

elgoibarren.net 2009ko aza. 23a, 11:52

Mendaroar batek irabazi du estreinakoz Alkortako Igoera. Iñigo Lazkanok 11 segundoko aldea atera dio helmugan Joseba Plaza markinarrari; iazko irabazlea eta probako errekorraren (20´43´´) jabea. Guztira 24 antxintxikarik parte hartu dute proban, horien artean bederatzi mendaroar eta zortzi elgoibartar. (sailkapena eta argazkiak dauzka)

Alkortako igoera jokatuko da bihar Mendaron

2009ko podium-a

Txirrindulari ohia da Iñigo Lazkano, baina antxintxika ere primeran moldatzen dela erakusten ari da. Antxintxika probetan hasiberria izanagatik, dagoeneko hasi da garaipenen zakua betetzen: San Migeleko III. Antxintxika Igoera irabazi zuen irailean eta Alkortako Igoera orain. Lazkanok 21 minutu eta zazpi segundo behar izan zituen 4,7kilometro inguruko igoera gogorra amaitzeko. Bigarren eta hirugarren sailkatuek, Joseba Plaza markinarrak eta Joseba Altuna azpeitiarrak, hurrenez hurren, azkeneko Karakateko Igoeran lortutako postuak trukatu dituzte Alkortako Igoeran. Plazak, baina, alde nabarmena, minutu eta 17 segundukoa, atera dio Altunari.

Ohi duen moduan, bere blogean azaldu ditu Joseba Plaza markinarrak Alkortako Igoerako bizipenak.

•Orain arteko irabazleak

1706640017672 Iñigo Lazkano mendaroarrak irabazi du Alkortako IV. Igoera

Guztira 24 lagunek, denak gizonezkoak, parte hartu dute aurten Mendaroko ezker abertzaleak antolatzen duen Alkortako Igoeran.

Poliki-poliki bidea egiten ari den lasterketa gaztea da Alkortako Igoera. 2006an egin zen estreinakoz eta lehen irabazlea Josu Arregi azpeitiarra izan zen 21´12´´ denborarekin. Bigarren edizioan, 2007an, Aulestiko Igor Urionabarrenetxea izan zen bizkorrena 22´42´´ denborarekin. Iaz, 2008ko edizioan, marka berria ezarri zuen irabazleak, Joseba Plaza markinarrak eta aurten etxean geratu da garaipena, Iñigo Lazkanoren erakustaldiari esker.

•SAILKAPENA:

POSTUA	IZENA	HERRIA	DENBORA
1	IÑIGO LAZKANO	Mendaro	21'07''
2	JOSEBA PLAZA	Markiña	21'18''
3	JOSEBA ALTUNA	Azpeitia	22'35''
4	OSCAR ONCALA	Bergara	22'54''
5	RUBEN ARRIZABALAGA	Mutriku	23'23''
6	IGOR URIONABARRENETXEA	Aulesti	23'42''
7	JOKIN URRESTI	Markiña	24'12''
8	IGOR REY	Mendaro	24'50''
9	EDUARDO URIBE	Elgoibar	25'41''
10	SUGAR ETXANIZ	Elgoibar	25'46''
11	JAVI FERNANDEZ	Elgoibar	26'32''
12	ROBERTO OSORO	Mendaro	26'52''
13	AITOR IBABE	Elgoibar	27'26''
14	IBON VILLANUEVA	Elgoibar	28'00''
15	ILLART URAIN	Mendaro	28'56''
16	ADUR JUARISTI	Elgoibar	28'57''
17	JURDAN EZENARRO	Mendaro	29'42''
18	AITZOL URAIN	Mendaro	29'54''
19	BEÑAT URAIN	Mendaro	29'54''
20	MIKEL ETXABE	Elgoibar	30'27''
21	GONZALO SAEZ	Elgoibar	31'21''
22	RUBEN RIOS	Mendaro	31'25''
23	XABI AULESTIARTE	Markiña	31'39''
24	ENEKO SALEGI	Mendaro	35'48''

•ARGAZKIAK:

Kirola Elgoibar