Duela 20 urte hasitako ohiturari jarraituz, gaztainak eta Albariño ardoa barra-barra banatu zituzten Galiza Etxeko bazkideek zapatuan. 2003tik hona Nafarroa plazan, herritarren aurrean, erretzen dituzte Galiziatik ekarritako gaztainak eta aurten ere ez dute hutsik egin.
Norbait gaztainak jateko gogoarekin geratu bazen, bigarren aukera bat eduki zuen domekan, Gaztainerre jaia berreskuratu baitzuten Altzolan. Gaztainak antzinako erara, danbolinean erreta, dastatzeko ohitura berreskuratu nahi izan du aurten Altzolako Zubibai Elkarteak. Hasiera batean, azaroaren 8an egin behar zuten Gaztaiñerre jaia. Birritan atzeratu ostean -eguraldiagatik lehena eta Zubibaiko kide baten heriotzaren doluagatik bigarrena-, domekan egin zuten azkenean. Eguraldia lagun, makina bat herritar hurbildu zen Altzolako Zelaia parkera.
•Argazkiak:
|
|
|
|
|
|
| {mosimage} |
