Garaian garaiko bilakaera estetiko eta estilistikoaren ildo nagusiak laburbiltzen dituzten bederatzi atalez gain, 160 biografia inguru, 1.000tik gora disko, DVD eta libururi buruzko informazioa, 270 diskotako hitzak jatorrizko diseinuarekin, ehunka argazki, 300dik gora kantu, 16 diskoetxeren biografia laburrak, bibliografia bat, bideoak eta euskal kantagintzari buruzko azken albisteak aurkitu daitezke bertan. Baina hau, proiektuaren sustatzaileek nabarmendu dutenez, abiapuntua besterik ez da. “Hazten, osatzen eta hobetzen joateko asmoarekin” plazaratu dute-eta www.badok.info, “gure kantagintzaren berri jaso edo eman nahi duenaren tresna eta erreferentzia izan dadin. Horretarako, guztien laguntza eta ekarpena ere garrantzitsuak izango dira”.
Andoaingo Martin Ugalde Kultur parkean aurkeztuko du Berriak ataria, gaur (abenduak 11), 20:00etan.
- Ikusi hemen: Koska taldearen biografia