Musika Bandaren 125. urteurrenari eskainiko diote zigilu erakusketa

elgoibarren.net 2010ko urt. 13a, 14:43
Deskargatu Info Ahotsak :

Aurten 125 urte betetzen dituen Udal Musika Banda izango da Altzolatarren Dorretxea elkarteak, San Anton jaietan, antolatzen duen XXX. filatelia-erakusketaren protagonista. Zapatuan (urtarrilak 16) inauguratuko da erakusketa Kultur Etxean. Bertaratzen direnek Bandari eskainitako zigilu-marka berezia eta, baita Jose Zubiaurre “Balle” eta Juan Mari Andonegiri eskainitako zigilu-marka bana, eskuratu ahal izango dituzte.


1706639942540 Musika Bandaren 125. urteurrenari eskainiko diote zigilu erakusketa

Gai nagusi baten inguruan antolatzen dute urtero zigilu erakusketa. 2007an Gabon Zahar Feriako Gazta Lehiaketaren 25. urteurrena omendu zuten; Gure Bide eta Zubi Ondo elkarteen 50. urteurrenari eskainitako zigilu erakusketa izan zen 2008koa; 2009koan, berriz, Baltasar Elkartea eta Arriola IV omendu zituen Altzolatarren Dorretxeak. Aurten, Elgoibarko Udal Musika Bandak 125 urte betetzen dituela-eta, zigilu marka berezia aterako dute Correos eta Telekomunikazioko Zuzendaritza Nagusiaren laguntzarekin.
  Jose Zubiaurre “Balle”, 1956tik 1983ra, Udal Musika Bandako zuzendari izan zenari eta Altzolatarren Dorretxea elkarteko kolaboratzaile fina izan zen Juan Mari Andonegiren irudiak dauzkan zigilu-markak ere eskuratu ahal izango dituzte erakusketara hurbiltzen direnek.
  • Erakusketaren inaugurazioa: urtarrilak 16 (12:00ean), Kultur Etxeko Erakusketa gelan. Urtarrilaren 24ra arte.
  • Ordutegia lanegunetan: 19:00-21:00 
  • Zapatu, domeka eta jai egunetan: 12:00-14:00 eta 18:00-21:00

•Musika Bandaren kalejira
  Jasoko duen omenaldiarekin bat eginez, Udal Musika Banda kalejiran irtengo da zapatuan, 11:30ean.


 
 
 
Kultura Elgoibar