Hiru milioi euro Qatarren futbolean jokatzeagatik

elgoibarren.net 2010ko urt. 19a, 10:47
Deskargatu Info Ahotsak :

Joseba Etxeberria Athleticeko jokalariak jaso ei duen eskaintza da. EITBk aurreratu duenez, urtebetez Qatarren jokatzearren jasoko luke dirutza hori. Aspaldi iragarri zuen Etxebek aurten lagako zuela futbola jokalari bezala. Eskaintza onartuko balu, bere futbol ibilbide profesionala hasi zuen lekura itzuliko litzateke, Urrezko Bota irabazi baitzuen Qatarren jokatu zen 17 urtez azpikoen mundialean. (bideoa dauka)


1706639938664 Hiru milioi euro Qatarren futbolean jokatzeagatik

  Dirudienez Qatarren ez dute Etxeberria ahaztu (argazkian Qatarren, 1995ean, irabazi zuen goleatzaile onenaren Urrezko Botarekin) eta bertako futbol ligako hiru talderen jabea den Jekeak eskaintza tentagarria egin dio. Pep Guardiola edo Fernando Hierro moduko jokalari ohiek ere Qatarren amaitu zuten euren futbol ibilbidea. Qatarreko eskaintzari ezezko borobilik eman ez dion arren, pentsatzeko denbora eskatu ei du aurrelari elgoibartarrak. Athletic lagatzen duenean, ekainaren 30ean, hartuko du azken erabakia. Gogoratu, aurten, kobratu gabe ari dela jokatzen talde txuri-gorrian. 
*Iturria: eitb.com (ikus ondorengo bideoan)
 
Kirola Elgoibar