Arnaldo Otegi epaituko dute Gatzaren omenaldian parte hartzeagatik

elgoibarren.net 2010ko urt. 27a, 10:30
Deskargatu Info Ahotsak :
es en fr

 
Batasuneko bozeramaile ohia Auzitegi Nazionaleko eserlekuan eseriko da berriro, gaur, Jose Maria Sagardui Gatza ETAko kidearen omenaldian, 2005eko uztailaren 9an, parte hartzeagatik. Ekitaldi hartan "terrorismoa goratzea" egozten diote.

 
 


1706639911124 Arnaldo Otegi epaituko dute Gatzaren omenaldian parte hartzeagatik

  Elgoibartarrarekin batera, ekitaldi hartan izan ziren beste lau lagun ere epaituko dituzte gaur Auzitegi Nazionalean: Josune Irakulis, Itziar Galardi, Jon Enparantza eta Estanis Etxaburu. Auzipetuei “terrorismoa goratzea, biktimak umiliatzea eta bilera legez kanpo egitea” egozten diete.
 Arnaldo Otegirentzat 18 hilabeteko kartzela-zigorra eskatzen du Blanca Rodriguez fiskalak, eta 15 gainerako auzipetuentzat. Bitartean, Ermuko Foroak eta Diginidad y Justicia elkarteak lau urte eta erdiko eta bost urteko espetxe-zigorrak eskatu dituzte, hurrenez hurren.
 Ekitaldian (argazkian) Otegik hitza hartu eta "euskal presoen borroka" laudatu zuen. Horrez gain, Sagardui Nelson Mandelarekin alderatu zuen, "bera bezala injustiziaren kontra borroka egiten du marko demokratiko bat lortzeko".

*Iturriak: eitb.com; berria.info
 
 
 
Politika Elgoibar