ETAko kide izatea edo hari laguntza ematea leporatuta bidali ditu espetxera Eloy Velasco epaileak, joan den martitzenean, Ertzaintzak atxilotutako bost lagunak: Ibon Iparragirre, Asier Badiola, Jabier Zubizarreta, Xeber Uribe eta Jon Iñaki Esnaola.
Elgoibarko sozialisten egoitzari eraso egiteaz gain, 2008an Ondarroako polizia etxearen aurkako “atentatuan parte hartu edo atentatua prestatzen laguntzea” ere egotzi diete. Eta baita Azpeitiko telebista uhin hedagailu bati eta AHTko lanei eraso egitea ere.
Erakunde armatuaren talde "legal" baten ustezko kideak lirateke Ondarroa, Mutriku eta Deban egindako polizia operazioan atxilotutako kideak, Ertzaintzako iturriek zabaldu dutenez. Atxilotutako taldeak lehergaiak (ustez lapa-bonbak) egiteko material ugari, su-arma bi eta munizio asko zituen ezkutatuta. Gainera, taldea osatzen zuten kideei drogak eta drogarekin trafikatzeko erabili ohi diren tresnak atzeman dizkiete.
∞Lotura duten albisteak:
- PSE-EEko goi karguek inauguratu dute Herriko Etxe berritua (2009-01-23)
- ETAk bere gain hartu du Elgoibarko PSOEren egoitzaren aurka lehergailuz buruturiko ekintza (2008-05-12)
- ETAk bonbarekin txikitutako Herriko Etxea bisitatu zuen Jose Antonio Alonsok (2008-04-28)
- Kontzentrazio bi egin dira PSE-EEren Herriko Etxearen aurka ETAk
egindako atentatua gaitzesteko (2008-04-21)
- ETAk bonba leherrarazi du PSE-EEren egoitzan (2008-04-20)