Gipuzkoa aldenik alde ezagutzeko aitzakiak

elgoibarren.net 2010ko ots. 10a, 10:55
Deskargatu Info Ahotsak :

 
Gipuzkoak 87 herri eta hiriburu bat (Donostia) dauzka. Guztietan barrena ibili da Manuel Montiel elgetarra txakurrei argazkiak ateratzen, herri bakoitzeko bat. Elgoibarko ‘ordezkaria’ argazkian ageri den caniche arrazako Olaitxo txakurra da. (bideoa dauka)

 
 
 
“Asma ezazu gura duzuna eta ezagutu Gipuzkoa; nik halaxe egin dut. Ez zara damutuko!” izena jarri dio Montielek argazkiekin osatu duen erakusketari. Hori izan da Gipuzkoa ezagutzeko behar izan duen aitzakia.
Hoberik otutzen al zaizue? (Facebooken –Elgoibarren Puntonet- komenta ditzakezue Gipuzkoan barrena bidaiatzeko bururatzen zaizkizuen aitzakia edo ideiak: Herri bakoitzeko jaiak edo parranda ezagutu, jaki tipikoak probatu, herriaren izena agertzen den kartelarekin argazkia atera, e.a.) Bideoa dauka.

1706639900865 Gipuzkoa aldenik alde ezagutzeko aitzakiak

 Argazki kamera berria erosi zuenean, probatzen hasi eta lehen argazkiak Mutrikuko txakur batzuei atera zizkien Manuel Montielek (argazkian). Horrela otu zitzaion Gipuzkoa osoan barrena txakurrei argazkiak ateratzeko ideia. Iazko uztail eta abuztuan egin zituen argazkiak; 135 argazki guztira. 1.500 kilometro egin zituen 20 egunetan. Txakurra ikusi, jabeei baimena eskatu eta argazkia atera. Herri bakoitzeko argazki bat aukeratu, markoa jarri, txakurraren izena eta arrazarekin eta, 88 argazki horiekin herriz herri erakusketak egiten dihardu Montielek, arrakasta handiz. Ikusi Goiena.net -en egin dioten elkarrizketa.
•Bideoak Youtuben
 Argazkiekin eta musikarekin lau bideo ere egin ditu eta Youtuben eskegi ditu, “jendeak ezagut dezan nire lana”. Elgoibarren eta Mendaron aurkitu eta argazkia atera zien txakurrak ikus ditzakezue beheko bideoan, -bigarren minututik aurrera ageri dira Debabarrenako txakurrak-.
Gainerako bideoak hemen

 
 
*Argazkiak: goiena.net eta Manuel Montiel.
 
 
 
 
 
 
 
Gizartea Elgoibar