Kultur Etxeko igogailua erditik jartzeko aukeraren alde agertu da EA

elgoibarren.net 2010ko mar. 5a, 13:53
Deskargatu Info Ahotsak :
es en fr

 
Kultur Etxeko igogailua eraikinaren ertzetik egitea erabaki du Udalak, baina EA ez dago erabaki hori hartzeko moduarekin konforme. Bi proiektu zeuden aukeran, baina EAk esandakoaren arabera, ez da azterketa “sakonik” egin, eta ikerketa serioagoa eskatu dute. Euren ustez, igogailua eskaileraren zulotik jartzea egokiagoa da.


  Polemika piztu du Kultur Etxeko igogailuaren kokalekuak Udal Gobernuan. EAJk eraikinaren ertzetik egitearen aldeko apustua egin duen bitartean, EAk nahiago du erditik egitea.

1706639840008 Kultur Etxeko igogailua erditik jartzeko aukeraren alde agertu da EA

 Baina, kokalekuak baino gehiago, erabakia hartzeko moduarekin agertu da haserre EA. Legealdi Planaren jarraipen batzordean egin zuten kokalekuaren bozketa. EAJ-PNV eta PSE-EEk ertzetik egitearen alde egin zuten. Alfredo Etxeberria alkatearen iritziz, igogailua erditik egiteak sotoan kalte “gehiago” eragingo luke, eta sotoaren erabilpena oztopatuko luke. EAren ustez ez litzateke horrelakorik gertatuko. Sotoa “berdin-berdin” erabiltzeko aukera ikusten dute igogailua erditik egin arren, eta, gainera, erakusketa gelaren azalera (euren ustez eraikineko gela nagusia) ez litzateke murriztuko.

 Atzo arratsaldean eskaini zuten prentsaurrekoan, bi proiektuen arteko desberdintasunak aipatu zituzten EAko alderdikideek. Sotoaren gaur egungo planoa eta berrituta (beherago) izango lukeen itxura ere aurkeztu zituzten:
•Igogailua ertzetik:
  • Erakusketa gelaren azalera murriztea.
  • Lehen solairuan (Kultura Sailaren kanpoaldean) dagoen txokoa kendu edo lekuz aldatu beharra. 
  • Bigarren solairuan dagon Gazte Informazio Gunea lekuz aldatzea.
  • Hitzaldi gela murriztea.
  • Solairu guztiak zulatu beharra. Zortzi metro koadroko azalera galduko litzateke.
•Igogailua erditik, eskaileraren zulotik:
  • Erakusketa gela bere horretan geratuko litzateke.
  • Solairuetan ez litzateke azalerarik gutxituko.
  • Kultur Etxean argi natural gehiago sartuko litzateke.
  • Ganbara erabiltzeko aukera. 
  • Sotoan “galtzen” dena, ganbaran irabazten da.
  • Merkeagoa, obra gutxiago eskatzen duelako.

Sotoa gaur egun.

Sotoa berrituta.
 
∞Lotura duten albisteak:
 
 
Udala Elgoibar