Idotorbe-San Pedron solairu bakarreko eta 300 metro karratuko eraikina egiten ari dira, probalekuaren eta frontoiaren jarraian dagoen berdegunean. Auzotarrek bilerak egiteko gela bat izango dute, lokal sozial moduan erabiltzeko beste gela bat eta hirugarren gela bat ere bai, adinekoei arreta berezia eskaintzeko, “eguneko zentro moduko bat”, argitu du Alfredo Etxeberria alkateak.
Eraikuntza lan honetarako 248.000 eurotako diru-laguntza jasoko du Udalak Eusko Jaurlaritzaren Erein eta Feader egitasmoen bidez, eta horretaz gain, Diputazioko Nekazal Garapenerako sailetik ere 72.000 euro jasoko ditu.
|
|
|
|
•Arriagako elkartea ia prest
Arriagako elkarteari, bestalde, azken ukituak ematea bakarrik falta zaio erabiltzeko prest egoteko. “Aste bat edo bi barru” lanak amaituta egongo direla aurreratu du Rikardo Garate, Hirigintzako arduradun nagusiak. 85.000 eurotako inbertsioa egin dute Udalak (%60) eta Gipuzkoako Foru Aldundiak (%40) San Antolinen, A-8 autopistako zubipean, dagoen lokala berritzeko. Amaro eraikuntza enpresa arduratu da trenbideko langileen txabola izan zen eraikina berritzeaz eta egokitzeaz.
∞Lotura duten albisteak:
- Idotorbeko auzotarrek lokal soziala edukiko dute (2009-07-23)
- San Antolineko bizilagunek badaukate lokal berria (2008-12-05)