Otegik dio "Loiolako aurrerapenak garatu" egin beharko direla

elgoibarren.net 2010ko mar. 11a, 13:17
Deskargatu Info Ahotsak :

"/>
PSE-EEk, Batasunak eta EAJk Azpeitian, Loiola auzoan, 2006ko udazkenean, egindako negoziazioa kontatu du Imanol Murua Uriak “Loiolako hegiak” liburuan, eta berria.infok Loiolako Arrupe Etxean non bildu ziren erakusten du bideo erreportaje honetan. Arnaldo Otegi da bideoko protagonista nagusienetako bat. Hain justu, “Loiolako aurrerapenak garatu” egin beharko direla eta “pazientzia handia” izateko eskatu du Otegik ‘Res publica’ euskal atari  juridikoak egin dion elkarrizketan.

  Bideo erreportajean Loiolako Arrupe Etxean zein gelatan bildu ziren, non jaten zuten… ikus daiteke. Orain arte inon ikusi gabeko irudiak dira. Ia 23 minutuko erreportajea da.

1706639834952 Otegik dio "Loiolako aurrerapenak garatu" egin beharko direla

Elkar-ek eta Berriak argitaratu dute “Loiolako hegiak” liburua, eta dagoeneko salgai dago liburu-dendatan. Liburua osatzeko Jesus Egiguren, Arnaldo Otegi eta Iñigo Urkullurekin egon zen hizketan, batik bat, Imanol Murua Uria kazetaria (Zarautz, 1966). Elkarrizketa politiko haien mamiaz idatzi du Murua Uriak. (Irakurri hemen: Dena okertzen hasi zenekoa pasartea.


 Hamabi bilera sekretu egin zituzten Arrupe Etxean, irailaren 20tik azaroaren 15era. Helburua: euskal gatazka politikoa konponbidean jartzea. Loiolan bost korapilo askatu behar zituzten: nazio izaera, erabakitzeko eskubidea, aitortu beharreko beste eskubideak, lurraldetasuna eta akordioa gauzatzeko prozedura. Akordioa lortzear izan ziren. (*iturria: berria.info)
 
 
 
 
Politika Elgoibar