Pauso handia eman du Daniel Arenas kulturista elgoibartarrak. Izan ere, Pedro Fernandezek zuzendutako Nutrytec taldeak fitxatu du. Aurrerantzean, Nutrytec Sport eta Health enpresen irudia izango da, eta Iron Man Muscle Magazine, Nutrytec Sport Nutrition eta Musclegenix modukoen aurpegia izango da, besteak beste. Bi urtean behin berritzeko kontratua izenpetu du Daniel Arenasek, eta “oso pozik” agertu da lortutakoarekin. Gaur egun, Zuzen Fitness Barakaldoko gimnasioan entrenatzen du.
Fitness eta kulturismo munduaren inguruan gehiago jakin nahi izanez gero, BARREN astekariak Daniel Arenasi Euskadi, Nafarroa eta Kantabriako Kulturismo txapeldun izan ostean, 2008an, eginiko elkarrizketa irakurri dezakezue:
- Ikus hemen elkarrizketa: “Gimnasioen eta txapelketen munduan zoriontsua naiz” (PDF-BARREN 2008-05-23)