Komando Autonomoek hildako Jaime Arrese gogoratu dute Gipuzkoako Batzar Nagusietan

elgoibarren.net 2010ko mar. 24a, 16:07
Deskargatu Info Ahotsak :
es en fr

Komando Autonomoek eta ETAk hildako Jaime Arrese elgoibartarra eta Juan Maria Jauregi batzarkideak omendu dituzte, gaur, Gipuzkoako Batzar Nagusietan. Bi hildakoen alargunek, Carmen Araolazak eta Marixabel Lasak, hainbat agintarik eta beste hainbat ordezkari politikok parte hartu dute omenaldian. Ekitaldiaren amaieran, UCD eta PSE-EEko batzarkide ohien omenezko bi plaka bistaratu dituzte Batzar Nagusietako eraikinaren sarreran. (bideoa dauka)

 

  PSE-EEk Gipuzkoako Batzar Nagusietan Komando Autonomo Antikapitalistek eta ETAk hildako Jaime Arrese eta Juan Maria Jauregi batzarkideak gogoratzeko legez besteko proposamena aurkeztu ondoren egin diete omenaldia gaur (martxoak 24). Batzar Nagusien alde egindako lana aitortu nahi izan diete egungo arduradunek. Bi hildakoen alargunak eta Jaime Arreseren bi semeez gain hainbat ordezkari eta agintarik parte hartu dute omenaldi instituzionalean, besteak beste, Rodolfo Ares Herrizaingo sailburuak, Arantza Quiroga Eusko Legebiltzarreko presidenteak, Rafaela Romero Gipuzkoako Batzar Nagusietako lehendakariak eta Alfredo Etxeberria Elgoibarko alkateak.
  Bi hildakoen omenezko plakak bistaratu aurretik kamara musikak girotu du ekitaldia eta Eli Tolaretxipi idazle donostiarrak “Requiem”eko poema bat irakurri du. Informazio gehiago eta ekitaldiko irudiak eitb.com agerkari digitaleko ondorengo bideo honetan:

 
•Ia 30 urte Jaime Arrese hil zutela

1706639804529 Komando Autonomoek hildako Jaime Arrese gogoratu dute Gipuzkoako Batzar Nagusietan

Jaime Arrese elgoibartarra 1980ko urriaren 23an hil zuten. 44 urte zituen, 10 anaiarrebetatik gazteena zen. Ezkondua zegoen eta 14 eta 17 urteko bi seme zituen. Egunero bezala, Jaime Arrese Iriondo tabernara joan zen bazkalostean kafea hartzera, eta bertan lasai-lasai zegoela, lanera joan aurretik tirokatu zuten. Eguerdiko 14:30ak inguruan, gizonezko bat tabernan sartu eta atzetik buruan tiro egin zion. Jaime lurrera erori zen berehala, eta bat-batean hil zen. Erahilketa Komando Autonomoek bere gain hartu zuten. Sententziak azpimarratu zuenez atentatuaren egilea, berriz, Juan Carlos Arruti Azpitarte izan zen.
 
 



Gizartea Elgoibar