Auto istripu larria gertatu da N-634 errepidean, Elgoibar eta Maltzaga
artean, iluntzeko 20:30ak aldean. Furgoneta batek eta auto batek aurrez
aurre jo dute, eta kolpearen ondorioz, pertsona bat hil da eta beste
hiru lagun larri zauritu dira. Ertzaintzak jakinarazi duenez, zaurituak
Donostiako, Mendaroko eta Arrasateko ospitaleetara eraman dituzte larri.
Lerro hauek idazteko unean, 22:10ak aldera, errepidea itxita dauka
Ertzaintzak, eta trafikoa A-8 autobidetik bideratzen ari dira. Ondorioz,
auto ilara luzeak sortu dira autobidean, Arriagako bidesaria dagoen
lekutik Elgoibarrera artekoak.