Mendaroko mendi itzulia maiatzaren 1ean izango da

elgoibarren.net 2010ko api. 29a, 14:33
Deskargatu Info Ahotsak :

Parte hartzaileak 7:30ean irtengo dira Gaztetxetik, eta ondorengo ibilbidea osatu beharko dute: Beraseta, Madariaga, Larraskanda, Garalutz, Lizarpe, Sarube, Sasiola, Ormolako Potzua, Arnoate, Plaza auzoa eta Gaztetxean amaitu. Ibilbidea neurtu ez badute ere, 36 kilometro inguru osatu beharko dituzte parte hartzaileek. Nekeari aurre egiteko, jana eta edatekoa banatuko dituzte antolatzaileek Larraskandan eta Ormolako Potzuan. Era berean, bukaeran mokadutxoa jateko aukera izango da Gaztetxean.

 

 Izenemateak egunean bertan egingo dira, mendi martxa hasi aurretxoan. Hori dela-eta, goizeko 7:00ak alderako agertzeko eskatu diete antolatzaileek parte hartzaileei, irteera berandutu ez dadin. Izenemateak hamar euro balio du.
 Urtetik urtera gero eta jende gehiago batzen da Mendaroko mendi martxara. Iaz, 35 lagun inguruk izena eman zuten, eta giro onean osatu zuten ibilbidea.
 
 
 
 
 
Gizartea Elgoibar